عماد مغنيه, شهيد؟!

posted by outlawq8 comment: 9
بسم الله الرحمن الرحيم
{مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعًا}
صدق الله العلي العظيم
قبل اسبوع تقريبا قتل من يسمى ب عماد مغنيه قائد في جيش حزب الله, وسبّب موته آراء متعارضه في الكويت من اشخاص يدعونه شهيد الاخر يدعوه ارهابي, وظهر شخص من مجلس الامه واقام عزاء وما الا ذلك وبهذا العزاء قد جرح مشاعر الكثير من الكويتيين لأنه دعاه بالشهيد واريد ان اقول لهذا الشخص الفاضل انه اذا تريد ان تبرئ اي شخص على الاقل احضر اي دليل على برائته من قتل من كانو على طائره الجابريه قبل ان تواجه الناس و”تتفلسف” و مقوله “المتهم برئ حتى تثبت ادانته” ماتنفع هالوقت يا يكون عندك دليل ولا ,,,,لا تعليق احسن
وظهر بعض الناس يقولون انه الشيعه كلهم متعاطفون مع عماد مغنيه لأنه “بعض الاشخاص ذهبو لتأبين عماد مغنيه” واريد الرد عليهم لأنه هذا الكلام باطل وليس له صحه, وانا اقول هذا بصفتي شيعي والمجتمع الذي من حولي يشاركني نفس الرأي نحن قد نكون شيعه ولكن في الاول والاخير نحن كويتيين ايضا!! مو معنى انه اذا كان الشخص من نفس المذهب يعني يعتبر الناس كلهم وياه هذا كلام ماله اي اساس من الصحه, عندما فعل ما فعل بن لادن هل اتى شخص واتهم السنه؟ و الشيعه؟ او اي مذهب آخر؟ لا بالطبع, يكون دائما الاسلام هو بالطبع في وجه المدفع, الم يكن هناك من دعا بن لادن ارهابي لأنه شووه اسم الاسلام؟ *هذا اذا كان هو من فعل ذلك* وهناك من دعاه بالبطل القائد الاسلامي وما الا ذلك؟ وهناك ايضا صدام قتل وفجر وذبح وهناك من يدعوه بالشهيد لماذا؟ لأنه ضرب اسرائيل! الم يقتل نفس بغير نفس؟ الم يفعل ما يعجز اللسان عن وصفه؟ لا يكون ذنبكم اقبح من العذر,,,
عندما يتكلم اي شخص في اي مكان فإنه يعبر عن رأيه الشخصي ولا يعبر عن رأي مجتمع كامل وكما قال الله سبحانه في كتابه العزيز:
{وَلاَ تَلْبِسُواْ الْحَقَّ بِالْبَاطِل}
واريد ان اقول انه ليس لمن افسد في الارض دين, اجتنبو شر الفتنه يا مسلمييييييييييييييين

9 responses to “عماد مغنيه, شهيد؟!”

  1. HOTLINE says:

    السلام عليكم

    تعرف شنو كنت اعزك و احترم تفكيرك ؟؟

    ماراح احاججك على الشهاده و غيرها لكن

    اسمحلي اوجهلك سوال

    شنو حجتك الدامغه على ان عماد مغنيه اهو مختطف الطياره ؟؟

    المشكله لي رحت قتلهم هات الدليل قالولك ما عندنا دليل لازم دليل يعني !! اهو مسويها يعني اهو

    المتهم بريء حتى تثبت ادانته \ و المحكمه ما تقبل الا ادله ملموسه

    اذا الكلام يوديكم و اييلكم و صدقتوا شي ما يرتكز على اسس و واقع شاللي بتسوونه لي طلع الدجال ؟؟

    تقولون انصار الامام قله
    فهل تتوقع ان الامام يخلي بجيشه ناس خذتهم الدنيا و غرتهم و انخدعوا بجم كلمه و جم حركه سووها (س) من الناس عشان يقنعونكم بمعتقداتهم ؟؟
    🙂

    باجر اقل كلمه يقطها بويهكم الدجال صدقتوه و تبعتوه

    صدق حبيبنا محمد ص
    “يأتي زمان على امتي الماسك على دينه كالقابض على جمره”

    اللهم لا تزغ قلوبنا بعد اذ هديتنا

  2. outlaw says:

    لول حبيب :×

    انا ما قلت اهوه ارهابي ولا اهوه شهيد ولا شي تدري ليش؟ لانه مثل ما انت قلت محد عنده دليل على ولا شي!

    بس لما الحكومه تقول هذا اهوه المجرم واييلك واحد بالتلفزون يقولك انا شفته هذا اهوه, والصحافه شغاله من الصبح لي الليل تكتب وقامت تخربط وتدخل هذا بذاك وبلأخير على شنو؟ يصير على حساب الي يقول انه شهيد او يخالفهم الرأي صح ولا لآ؟

    لما اي شخص يسمع بالتلفزون انه اهوه الي ذبح او بالراديو انه ذبح ويشوف بالجرايد انه ذبح تلقائيا مخه راح يقول “اي والله اهوه الي ذبح” وبدون اي دليل يصير مثل ماتقول غسيل مخ على انها هذي الحقيقه

    واكيد ماكو اي شخص بيروح حق الحكومه يقولها وين دليلج, وقبل جم يوم طالع واحد بالتلفزون يقول انا شفته بعيني, واييلك واحد من الطرف الثاني يقولك انا ماعندي دليل على برائته اهني شتقول له؟!؟!

    من جذي انا قلت انه “المتهم برئ حتى تثبت ادانته” ما راح تنفع في هذا الوضع والحين

  3. Sn3a says:

    اعوذ بالله من الفتنه

  4. HOTLINE says:

    ياخوي تدري شالمشكله ؟؟

    المشكله ان يوم كانت السالفه حاره قبل مليون تعش سنه محد فتحها
    ولا احد حتى شغل مخه بيعرف المجرم الفعلي

    طمطمو عالسالفه

    والحين الكل ياي يفتي !

    الف و ادور و اقوم و اقعد و انا احاول اقنع نفسي ان اللي تعرفوا عليه صادقين بكلامهم

    وينهم ما تعرفوا عليه بعصر الديناصورات ؟؟

    ما شاالله

    يوم ان فلان من الناس صرح تصريح و اتهمهم

    تذكروا ملامحه ؟؟

    وين امريكا عنهم تشغلهم عندها بال سي اي ايه

    بس اكيد اكيد بعدها ما درت عنهم و الا مستحيل تتنازل عن ناس موهبه يمتلكون هالدرجه من الدقه

    لا و هذا و وقتها كانو قايلين ان المختطفين فص ملح و ذاب و محد قدر يعرف منو اهو

    و كتب التاريخ تشهد

    والله حااااااله

    الكويت اخر عمرها صارت دوله )غصبا عليك تصدقني)

    اي و شغله ثانيه
    على سالفه الكلام اللي تسمعه في الاذاعه و التلفزيون
    فهذا شي طبيعي
    سبق صحفي ذهبي لهم

    و بيني و بينك بعد ترا هم شعبنا يحب القرقه

    و الحمدلله
    انهم صحافه و بشر مو انبياء عشان تكون لهم العصمه و يكون كلامه وحي من الله
    عشان نجزم بصحته

    دع الايام تفعل ما تشاء و طب نفسا اذا حكم القضاء

    وماكو شي عند الله يضيع كلها مكتوبه بكتاب
    باجر نعرف تفاصيله

    الله يبعد عنا و يبعدكم عن فتنه اخر الزمان و يثبتنا عالايمان

    مو ناقصين باجر كل من قام و قعد قال انا وارث ال محمد

    مشينه وراه

    يالله حسن الخاتمه

  5. Q8Disaster says:

    قواك الله ويعطيك العافيه على الموضوع

    يااخي شمصلحته الي كان رهينه يجذب ويقول ان مغنيه اهو الي خطف الطياره؟

    ترى سالفة مثل هاذي ماتنسى

    وبعدين مغنية الي سمعته انه مسوي اربع عمليات تجميل عشان يغير بشكله لأنه مطلوب من امريكا والانتربول لتفجيراته بالارجنتين وسفارات امريكا

    السالفه ياخوي ماهي سالفة سنه وشيعه وعنصريه طائفيه
    لأن احنا مسلميين كويتيين ماعندنا تفرقه ونشترك بحبنا للكويت

    بس لما واحد يدري ان الكويتيين تكره هالشخص وحتى لو ماكان صحيح ان اهو الي اختطف الطائره تقوم وتسوي عزا له

    يااخي احترم مشاعر الكويتيين

    احترم الرهائن الي كانو بالطياره

    احترم اهالي الشهداء الي ذبحهم و قطهم من باب الطياره

    هل هذا الاسلام الي تدافع عنه انك تذبح مسلم

    هل هذا الاسلام الي تهدد امن دولة مسلمه عربيه

    ابي عاقل يجاوبني !

  6. outlaw says:

    hotline:
    والله مادري شقولك بس بعد هذي دوله وهذي سياستها ولازم تحترمها وتحترم مشاعر الكوييتيين والصحافه مايقصرون يحبون يزيدون الطين بله -_-

    q8disaster:
    حبيبي انت يييت وقلت نفس الكلام الي انا قاعد اقوله, انا ماقول انه لازم السالفه تنسي ولا على قولتهم تمر مرور الكرام بس انه السالفه قامت تتطاول على ناس مالهم شغل بالسالفه عشان واحد وياه مجموعه سوو عزى قامو يدخلون مذهب كامل عشان رأي مجموعه زين واحنا شكو فيهم؟ :S

    والصحافه ماتقصر تزيد بالسالفه الي لدرجه انه اليوم يايلي شخص يقولي الشيعه كلهم خونه وولائهم حق ايران ومن هالكلام الي مادري من وين يايبه, لا انا ايراني ولا ابوي ولا يدي بيكون ولائي حق ايران ليش؟ عشان شيعي؟ الناس قامت تدخل الحابل بالنابل

    وانا قلت مثل ما انت قلت انه العزى ماكان المفروض انه يصير لانه مهما كان اهوه مشتبه بهل موضوع وهالجريمه وانا ايي واسوي عزى واقول والله انتو ماعندكم دليل هالشي ماينفع

    ويعطيك العافيه على المرور والرد :×

  7. iNoor says:

    لووووووووول

    I’m with hotline

    وصدق لإمام الحسين عليه السلام لما قال: الناس عبيد الدنيا والدين لعِق على ألسنتهم يحوطونه ما درّت معايشهم، فإذا مُحّصوا بالبلاء قلّ الديّانون

    يا علي

  8. HOTLINE says:

    يا اخي الحكومه على عيني و راسي ما قلنا شي

    بس المشكله اللي احنا فيها ان الحكومه ساكته و الشعب اهو اللي قاعد يصعد المشكله ما تشوفهم قاعدين واحد ينهش في الثاني ؟؟

    باجر الدمان توصل لي الركب

    عاد وقتها يا شماته العالم فينا

  9. Zi-One says:

    i agree m3a hotline li2ana jad makoo shay yathbet ena ohwa eli e5te6af el6yara .. oo roo7 shoof wagt-ha kel el jrayed katbeen ena el5a6ef ‘3air m3roof !! oo ketab eljrayem elseyaseyah bel kuwait hm katbeen ena el5a6ef ‘3air m3roof ,, 3ala ay asas ygooloon ena ohwa? hathol eli ydawroon elzalah ohma eli kaberaw elmaw’6oo3

Leave a Reply

 
 
 
footer_bg.png