الطالب الكويتي المو نموذجي بمصر :×

posted by outlawq8 comment: 3
كل طالب وله معاناته وانا معاناتي بالشقه وبالجامعه
المقرود طول عمره مقرود
طبعا اول شي الصبح اول ما اقوم ومالي خلق اقعد اتقلب بالفراش واطالع السقف والكبت واتأمل لأنه مايحلى التأمل الا لما تبي تقوم من النوم, وبعد عناء اقوم من النوم واغسل واصحصح واروح ابطل البلكونه عشان يطقني هالهوى البارد الي يحبه قلبكم واشوف الجو بارد ولا بويرد عشان اعرف شالبس (يابو الذوق انت) وطبعا البس اي شي جدامي وحتى ما امشط شعري مالي خلق نفسي بس المهم اتجهز وبعدين معاناتي اني اقعد عيال خالي حق الدوام صراخ ومناقز ومادري شنو ولا حياة لمن تنادي والبس واخلص واهمه توهم يقعدون فا اقعد اطالع تلفزون شحاطين مو حاطين وكل البرامج تضيق الخلق ماكو الا فنون نشوف اشياء اثريه وبعد ماتصير الساعه 9 وربع نطلع والمحاضره المفروض الساعه 9 بس على مييين؟؟ نوصل الجامعه ونقعد وننطر وايي الدكتور الساعه 10 ويعصب يقول ليش الطلاب متأخرين!! الحمدالله والشكر بس
ولما تبدى المحاضره طبعا ماندري شقاعد يقول الدكتور الي يشخبط بالدفتر والي يكتب شعر والي يطالع الي رايح والي ياي والي يدزدز حق الناس بالبلوتوث والي نايم (مادري شحقه مداومين) ومانصدق اول ماتخلص المحاضره تلاقون كل الشباب يطلعون بره القاعه ويطيحوله زقاير جنه مو شايفين خير وانا اقعد بالقاعه انطر المحاضره الي وراها, تجاره الزقاير مربحه %100 اهني اذا لقيت واحد مصري ومايدخن يعني هذا مصري ضروب 😛
وبعد مايخلص الدوام ارد الشقه ميت يوع ابي اكل اي شي ومالي خلق لا اطبخ ولا اسوي شي, واسهل شي اسويه دق على احلى مطعم واييب احلى اكل واطيحله, كوييتييييين مالهم خلق شيييييي
لو تدرون شلون شابك بتهفوني بأقرب شي يمكم :× قاعد بالبلكونه وشابك من وايرلس جيرانه مادري العماره الي يمنا انترنت ببلاش احلى 😛 لو يصيدوني يشلخوني ويهيههههههههيهيهيهيهيهي
بس ذبحني الانترنت واهوه يقطع السقنل ضعيف المره اليايه اقولكم عن قروبات الجامعه
ووفقنا الله وياكم
والسلام عليكم ورحمه الله وبركاته
والي يبي شي من مصر يقولي بس يدفع الدبل عشان اتعابي 😛
لا تصدقون بس وتسطرولي لسته لووول
بااايو

3 responses to “الطالب الكويتي المو نموذجي بمصر :×”

  1. KeChie-ChaN says:

    الحاله متأزمه Hehe
    الله يعينك و يوفقك و ييسر لك أمرك
    شد حيلك
    Good luck =)

  2. Anonymous says:

    lool wa3laya hatha il wath3 3andkum !! .. 3ad ana eb youm men il ayam eqtar7aw 3alai adres eb ma9er bs ana ma rethaait ! il 7amdellah 😛 .. anyways wait khal afaker shenu abi men um il dinya ;p .. allah ewafgek enshalh

  3. outlaw says:

    KeChie-ChaN:
    اجمعين انشالله

    le2o:
    زين فكيتي نفسج من عوار الراس والحوسه لووول, الكل يقولي يبي فرغلي ماجنه اكو منه بالكويت تبين؟ لوول الله يوفقنا كلنا انشالله اجمعين

Leave a Reply

 
 
 
footer_bg.png